Enquiries


FAQ

Q: 讀插畫多唔多機會公開作品?想多啲人認識。
A: 課程理論與實踐並行,功課融合左好多合作嘅 project,學生會有好多機會展示作品俾公眾欣賞。

Q: 兼讀制課程學費?
A: 此兼讀制課程屬自資課程,學費以每學分計算,每學分HK$260,每個學期開始前繳交該學期費用。課程係政府「Vplus 創意專才」進修資助計劃指定課程之一,畢業生最高可獲資助HK$36,000!

Q: 課程政府認可嗎?
A: 插畫設計高級文憑兼讀制課程同全日制一樣,獲資歷架構認可,達 QF Level 4,大家畢業後一樣可以繼續申請本地或海外相關學士學位課程。畢業生亦可報讀我哋同海外大學合辦嘅銜接學位,只需讀多一年就可以獲取學士學位。

Q: 我對課程感興趣,但係日頭又想返工,兼讀制其實會唔會好忙架?
A: 課程多數一星期有兩晚課堂,每堂約三小時,因為知道大家日頭可能需要返工,所以每學期上堂時數唔會安排得太密,亦會預留足夠時間俾大家練習及做功課。

Q: 我有興趣畫畫,但又唔想只係畫嘢,仲有乜嘢其他嘢學?讀插畫設計會唔會出路好窄?
A: 除左學習畫畫打好基礎外,課程亦會提供唔同嘅設計技巧相關訓練,如字體設計、角色設計、書籍設計、及唔同嘅數碼媒體。而插畫師普遍都會發展自己嘅品牌,所以課程亦會教大家如何透過唔同嘅媒介及策略推廣自己嘅產品及品牌。

Q: 插畫設計要用啲咩媒介,平面作品多定動態多?
A: 其實現今插畫作品已經不限制於平面,有好多插畫師會發展自己嘅產品。而且插畫設計重包括好多唔同嘅範疇,例如:角色設計、產品授權、遊戲、電影嘅前期設定、故事板、圖書及編輯插畫等等。大家上堂都會接觸到,希望大家學習到唔同類型嘅插畫設計。

Q: 係咪要面試?要點預備?帶自己portfolio會有幫助?
A: 如疫情趨勢緩和而情況許可的話,傳統上插畫設計課程,都會舉辦收生面試,面試試題都會與課程特色有關,圍繞著學習態度和創意,以及相關的背景知識來了解面試同學的優秀之處。至於是否可以於面試時呈上自己的作品集,有待安排,請留意網上公佈。

Q: 讀 illustration 有冇得接觸下新啲嘅媒體?
A: 基本繪畫工具及媒介都係插畫設計嘅基礎,除平面畫作外,大家會接觸到唔同嘅插畫類型,有立體雕塑、數碼3D、AR/VR 介紹及動態圖像設計如motion graphic, stop motion 及GIF 製作都會學習到架。

Send Us a Message

Get in Touch

Email: hkdi@vtc.edu.hk
Phone: 3928 2777
Whatsapp: 3928 2712


%d bloggers like this: